Baguio City – Nangipatungpal ti Commission on Elections (COMELEC)-Baguio iti Operation Baklas kas paset ti direktiba dagitoy.
Daytoy ket babaen iti panagidaulo ni Election Officer IV Atty. John Paul A. Martin.
Ti operasyon ket kas maibasar iti COMELEC Resolution 11086 a mangipatumpal kadagiti pagalagadan ti Republic Act No. 9006, wenno ti Fair Election Act.
Daytoy a linteg ket maipatungpal kadagiti amin a kandidato ken partido politikal.
Maibasar iti resolusyon, maiparit dagiti campaign materials a maipasdek kadagiti kayo, waiting sheds, sidewalks, street ken lamp posts, electric posts, traffic signages, ken sabali pay a signboards nga publiko.
Daytoy nga operasyon ket naipatungpal sadiay Session Road, Naguilian Road, ken dadduma pay a kabaelan a kalsada iti siudad tapno masigurado ti panangsurot kadagiti regulasyon.
Ti panangipatumpal iti Operation Baklas ket babaen ti koordinasyon ti COMELEC Baguio kadagiti nagduduma nga ahensya, kas ti Office of the Regional Election Director (ORED), Office of the Provincial Election Supervisor-Benguet (OPES), Baguio City Police Office (BCPO), Department of Public Works and Highways (DPWH), ken ti Department of Environment and Natural Resources (DENR).
Kabayatanna, mabalin nga ipakaamo ti publiko dagiti maipapan kadagiti iligal a poster iti opisina ti COMELEC-Baguio.//Bombo Local News Correspondent Christian Junio
