Kidkiddawen ni Atty. Julius Torres, Regional Director ti Commission on Elections – Cordillera kadagiti kandidato a nasken a disiplinaenda ti bagida nu agkampanya dagitoy.
Sigun kenni Torres, nu pay awan ti bileg ti Commission on Elections a mangipila iti kaso kontra kadagiti kandidato sakbay iti opisyal a campaign period ket maikanniwas latta daytoy iti sinapataanda idi nangipilada iti kandidaturada idi Oktobre 1 agingga Oktobre 8.
Inaklon met ti nasao nga opisyal a dakkel a karit kadakuada ti panagkampanya dagiti kandidato iti nagduduma nga online platforms kas iti facebook, instagram, ken youtube agsipud ta saan unay daytoy a mabantayan.
Tapnu masolusyunan daytoy, impetteng ni Toress a kasapulan nga isubmitir dagiti kandidato dagiti social media accounts nga aramatenda kas campaign period iti education information department ti Commissions on Elections tapnu mamonitor dagitoy.
