Nakasagana dagiti kameng ti Commission on Elections – Baguio nga ilaylayon ti panang-akomodarda kadagiti agparehistro iti Philippine Military Academy idiay Fort del Pilar, Baguio City ita nga aldaw.
Iti panakiuman ti Bombo Radyo kenni Atty. John Paul Martin, Election Officer ti Commission on Elections – Baguio, puntiryada a makapagparehistro ti saan a bumaba iti uppat a gasut a botante.
Sigun kenni Atty. Martin, ita laeng nga aldaw nga isayangkatda ti offsite registration iti nasao a lugar tapno maipaay met ti nasao a serbisyo kadagiti kadete.
SO DAYJAY APO TI TARGET TAYO, MINIMUM OF 400 AND WE EXPECT THEM TO BE REGISTERED AT THE END OF THIS DAY.
Atty. John Paul Martin-Election Officer- Commission on Election-Baguio
Mainaig iti dayta, namnamaen ti nasao nga ahensya a maipaayan dagitoy ti umdas a bilang ti vote counting machines para iti panakaipatungpal ti demonstration kadagiti nagduduma a pagadalan ken public events apaman a malpas ti panangipila dagiti agngayangay ti Certificate of Candidacy dagitoy.//Bombo Rob Dominguez
