BAKUN, BENGUET – Agarup 230 a baro a botante ti naaprobaran iti Election Registration Board (ERB) iti Munisipyo ti Bakon, Benguet idi April 22, 2026.
Iti pannakiuman ti Bombo Radyo kenni Mr. Richard Buenaventura, Election Officer ti Bakun, Benguet, aw-awisenna dagiti umili ti nasao a munisipyo nga agparehistroda.
Sigun kenkuana, sumagmamano laeng nga aldaw ket agleppas ti voter’s registration.
Gapu iti dayta, mangisayangkatda ti maudi a voter’s satellite registration sadiay Barangay Gambang intun May 09 iti oras ti 8:00 am agingga iti 5:00 pm.
Sigun kenni Mr. Buenaventura, dumanon iti 179 ti bilang dagiti agtutubo a nagparehistro manipud idi nangrugi ti voters registration.
Nupay kasta, agkurkurang latta daytoy isu’t gapuna nga al-allukuyenda dagiti agtutubo iti nasao a munisipyo nga agparehistro ken tapno makobotos dagitoly iti Barangay and Sangguniang Kabataan Elections (BSKE) intun Nobiembre 2026.
Iti agdama, dumanon iti 10,187 dagiti bilang ti botante iti Bakun manipud idi napalabas nga ERB dagitoy.
Nupay kasta, mabalin metlaeng a mabawasan wenno manayunan ti nasao a bilang.//mp4
