Nakasaganan ti Commission on Elections-Cordillera para iti umadanin nga eleksyon inton May 12, 2025.
Nupay kasta, panggep dagitoy a mangipatungpal iti conference sakbay ti election day tapno naannayas ken napintas daytoy.
Agarup 7,974 metten a personnel ti Police Regional Office-Cordillera, PNP SAF ken dadduma pay ti nakasagana a maideploy para iti nasao nga eleksion.
63 kadagitoy ti personnels ti PNP SAF bayat a dumanon met iti 1,689 ti resources a maideploy pakairamanan ti mobile car, motorized banca, handheld radio/satphone ken dadduma pay.
Dumanonen metten iti 180 dagiti nasanay a Philippine National Police personnel nga agserbi kas back ups nga agbalin nga electoral boards.
Daytoy ket gaputa agarup 70 nga electoral boards a mannursuro ti nagback-out iti siudad ti Baguio idi napalabas a tawen.
Nupay kasta,mangnamnama dagitoy nga awan ti agback out ita a tawen.
Kabayatanna, nagkiddaw ni PBGEn David Peredo, Regional Director- Police Regional Office-Cordillera iti kanayunan a personnel nga agbalin a katulungan dagitoy nangruna kadagiti adayo a lugar inton eleksyon.
Nakasagana met ti kameng ti AFP para iti dayta.
Malaksid iti dayta, impeksa ni BGEN DEAN MARK F MAMARIL PA, Commander,[ 501st Infantry (Valiant) Brigade, 5ID, PA nga adda iti chopper nga ipaay iti air force inton Mayo 12 no kasapulan sadiay Abra.
Iti agdama, saan pay a naipasidong ti Abra iti COMELEC control.//Bombo Noveh Organo
