BAGUIO CITY – Nabigbig ti Cordillera Administrative Region kas maikatlo a nakaala ti nangato a passing rate bayat ti August 2022 Civil Service Examination iti pagilian kas maibasar iti resulta nga inruar ti Civil Service Commission itay nabiit.
Manipud iti 138,703 nga examinees a nakipaset iti Civil Service Examination, pakabuklan a 26,307 ti nakapasa; 22,241 kadagitoy ket passers ti professional level bayat a dagiti dadduma ket passers ti sub-professional.
Iti resulta dagiti top passers ken regional performance nga inruar ti Civil Service Commission, nakaala ti Cordillera ti 23.79% passing rate.
Ti rehiyon a nakaala ti kangatoan a passing rate ket ti Central Luzon nga addaan ti 37.44%, sinaruno ti Northern Luzon a 27.51%.
Dua metlaeng nga examinees manipud Cordillera ti nag-top iti exam.
Dagitoy ket da Midge Bagsoy, top 8 a nakaala ti 89.32% a rating para iti Professional level ken Ashley Mae Dulnuan, top 4 a nakaala ti 93.57% a rating para iti Sub-professional level.
