--Ads--
Dinutukan ni PBBM ni Court Administrator Raul Villanueva iti Korte Suprema.
Suktanna ni Associate Justice Mario Lopez a nagretiro idi Hunio 4.
Idi tawen 2002, nadutukan ni Villanueva kas judge iti Branch 255 ti Las Piñas City Regional Trial Court.
Nagserbi metlaeng isuna kas acting judge iti Branch 267 idiay Taguig City Regional Trial Court ken acting presiding judge ti Branch 4 ti Manila RTC kasta metten a nagbalin nga executive judge ti Las Piñas City RTC.
Tawen 2021 ket nagbalin isuna a deputy court administrator ken agingga a nagbalin a court administrator idi tawen 2022.
Nagserbi pay daytoy iti nagduduma nga opisina ti gobierno.
Nagun-odna ti economics degree idi 1985 ken Bachelor of Laws degree idi 1990 iti University of the Philippines.
