Baguio City-Pinagyaman ti Panagbenga Media Sectetariat ti University of the Cordilleras babaen kenni Strategic Consultant a ni Atty. Paolo Salvosa gapu kadagiti impabulod dagitoy a computers ken printer a maaramat para iti media accreditation kadagiti covering media.
Ti Panagbenga Media Office ti nadutukqn nga opisina a mangipaay iti accreditation kadagiti local, national ken international media companies a mang-cover kadagiti dua a grand parade ti Baguio Flower Festival, ti Grand Street Dance Parade intun Pebrero 22 ken Grand Float Parade intun Pebrero 23.
Buklen ti media secretariat iti panangidaulo da PIA-CAR Dir. Helen Tibaldo ken Baguio Country Club Media Officer Andrew Pinero kas co- chairman.
Karaman a miembro iti media committee da Manila Times Correspondent Harley Palangchao, OIC head for Photo; Philippine News Agency Correspondent Liza Agoot, OIC head for Print media; Bombo Radyo Anchor Jordan Tablac, OIC head for Radio; Cordillera News Agency writer Art Tibaldo, OIC head for hobbyists and Blogger’s ken FMR Fm DJ Emil Peredo kas Liason Officer.
Ti media accreditation office ket mangrugi a nag akseptar iti accreditation forms idi Pebrero uno ken agleppas intun Pebrero 20.
