Intantan dagiti sumagmamano a foreign buyers ti naituding a panagbiaheda iti Pilipinas ita a bulan ti Mayo 2026.
Daytoy ket kalpasan ti napasamak a pammaltog iti Senado.
Sigun kenni Foreign Buyers Association of the Philippines president Robert Young, tallo kadagiti buyers ti naituding nga aggatang kadagiti kawes ken tela bayat a ti maysa ket agbiruk iti furniture products.
Napakaamuanda a maitantan ti panagbiahe dagiti negosiante gapu iti napasamak a tension iti Senado.
Sigun kenni Young, napabutngan dagiti negosiante.
Kabayatanna, pakaseknan dagiti Business groups ti posible nga epekto ti insidente iti kinatalged ken panagtalek dagiti “investors”.
Sigun iti FOBAP, posible a maapektaran ti panagkita dagiti foreign investors, buyers ken turista maipapan iti kinatalged, siguridad, institusyon, justice system ken ti panagtalekda iti pagilian a Pilipinas.
