Kinumpirmar ni Senate Sergeant-at-Arms Mao Aplasca nga inyebkas ni Senador Bato dela Rosa a situtulok a maipasidong iti kustodia ti Philippine National Police (PNP).
Daytoy ti kinuna ni Aplasca, kalpasan ti panagtataripnong da Interior Secretary Jonvic Remulla ken PNP Chief Jose Melencio Nartatez Jr.
Nupay kasta, awan pay ti pormal a kiddaw wenno official transfer arrangement, ken awan ti report manipud iti PNP a mangkompirmar iti aniaman a custody shift.
Sigun pay iti Senate sergeant-at-arms, inyebkas ti senador ti pakaseknanna maipapan iti kinatalgedna kabayatan dagiti kallabes a tension iti uneg ti Senado.
Maipalagip a subject ni Dela Rosa para iti arrest warrant nga imapaulog ti International Criminal Court.
Daytoy ket mainaig iti kaso a crimes against humanity a nakairamanan ni sigud a President Rodrigo Duterte iti kontrobersial a kampaniana kontra iti illegal a droga.
Naipasidong ni Dela Rosa iti protective custody ti Senado idi Lunes kalpasan a pinadas dagiti kameng ti National Bureau of Investigation nga iserbi ti arrest warrant kontra kenkuana.
