BAGUIO CITY – Nakasaganan ti vaccination plan ti munisipyo ti Itogon Benguet para iti pannakaiwaras dagiti bakuna kontra COVID19 sadiay
Iti interview ti Bombo Radyo Baguio ken Itogon Mayor Victorio Palangdan, nalpasen iti pannagadal ti Munisipal Inter Agency Task Force ti COVID19 para iti pannakaiwaras dagiti bakuna sadiay
Nupay kasta, inaklonna a saanda a kabaelan a gumatang iti bukodda a bakuna a maiwaras sadiay isut gapu nga urayenda laengen ti ipaay ti nasyonal a gobierno kadakuada
Malaksid iti dayta, kinunana nga awan ti nasken a pagdanagan dagitoy iti bakuna gapu ta adda dagiti pagnamnamaanda a makaalaan ti suporta kalpasan a nakikoordinarda kadagiti dadakkel a korporasyon ken kumpanya iti masakupanda tapnu mangidonar iti bakuna kadagiti umili sadiay saan laeng a kadagiti empleyado dagitoy
Mainaig iti dayta, kinunana nga adda ti inkari ni Baguio City Mayor Benjamin Magalong nga aramatenda a storage a makaikargaan dagiti bakuna a maiwaras sadiay
