Impablaak ti Communist Party of the Philippines (CPP) ken ti New People’s Army (NPA) a saanda nga ideklara ti panagsardeng ti panagsusupiat iti gobierno ita a tawen.
Iti maysa a statement, kinuna ti Communist Party of the Philippines (CPP) a saanda a makaaramid iti ceasefire declaration gapu iti mapapati nga agtultuloy a panagatake dagiti puersa ti gobierno kontra kadakuada.
Mabasa iti statement a makumikom dagitoy nga agsagsagana iti panagtaripnong para iti panagrambakda iti panagballigi dagitoy.
Rambakan gamin ti Communist Party of the Philippines (CPP) ti maika-lima pulo ket innem nga anibersario dagitoy inton Disiembre baente sais.
Inawagan pay ti nasao a grupo a “disinformation” ti kinuna ti gobierno a maysa laengen ti nakapuy a guerrilla front ti New People’s Army.
Maipalagip a kinuna ti National Task Force to End Local Communist Armed Conflict (NTF-ELCAC) a mapapati a kimapsut ti kinapigsa ti Communist Party of the Philippines-New People’s Army iti agdama a bulan.
