Inbilin ni President Ferdinand Marcos, Jr. kadagiti nagduduma nga ahensiya ti gobyerno ti dagos a deployment ti government assistance para kadagiti komunidad a naapektaran iti ashfall manipud Mayon Volcano partikular idiay Guinobatan ken Camalig, Albay.
Gapu iti daytoy, agtultuloy ti panangipatungpal ti Bureau of Fire Protection ti water-spraying ken ash clearing operations kadagiti apektado a pasdek.
Agtultuloy met ti Department of Public Works and Highways iti panangikat kadagiti ash manipud kadagiti major roads tapno mapasigurado ti panagbyahe dagiti residente ken emergency responders.
Mangopapaay pay ti Department of Health ti N95 masks ken nangideployda ti mobile clinic ken water stations para kadagiti residente sadiay.
Mannarimaan met ti panangmonitor ti Office of the Civil Defense and National Disaster Risk Reduction and Management Council iti sitwasyon nangnangruna kadagiti apektado a luglugar.
Agarup 300,000 a food packs ken suplay ti insagana ti Deparment of Social Welfare and Development a maipaay idiay Bicol region.
Agtaltalinaed a nakangato ti Alert Level 3 kadagit sumagmamano a paset ti Albay kalpasan a kimmaro ti volcanic activity iti nasao a bulkan. //bombokaren.c.s
