Inwaragawag ni President Ferdinand Marcos, Jr. a maaddaan iti rollback ti presyo ti petrolyo inton sumaruno a lawas no sadino makissayan iti P24.94 ti presyo ti diesel , P3.41 iti gasolina bayat a P2 ti maikissay iti kerosena.
Sigun kenni President Marcos, Jr. mangipaay daytoy iti gin-awa para kadagiti Pilipino.
Impakaammo metlaeng ti presidente nga agtultuloy ti panangipatumpal ti P10 Fuel Discount para kadagiti Public Utility Vehicles ken ti pannakaobserbar ti Service Contracting Program .
Malaksid iti dayta, ilaylayon ti Department of Transportation iti tallo a bulan nga awan ti multa na ti validity dagiti lisensya, student permit ken registration dagiti lugan.
Kabayatanna, indagadag ti presidente dagiti oil companies nga ipatumpalda ti rollback a nasayaat.
Dinakamatna pay a nakalukat ti opisina daytoy ken ti Department of Energy nu adda dagiti reklamo ken pakaseknan manipud kadagiti Pilipino.
Nu adda met dagiti nakita a panaglabsing, ireport a dagus kadagiti nasao nga opisina gapu ta impanamnama ni presidente nga aksyonanda a dagus dagitoy. //bombokaren.c.s
