--Ads--
Naideklara kas state of calamity ti Dagupan City gapu iti epekto ti naglabas a tropical cyclones.
Sigun kenni Dagupan City Vice Mayor Bryan Kua, agturong dagitoy kadagiti barangay tapno mangipaay iti tulong.
Inrekomendar ti City Disaster Risk Reduction and Management Office (CDRRMO) ti pannakaipasidong ti nasao a lugar kas state of calamity, gapu iti nakaro a pannakaapektar dagiti 30 a barangay ken 50% a populasion.
Maibasar iti panagsukimat ti nasao nga ahensia, six feet ti kauneg ti layus sadiay.
Dadduma a barangay iti nasao a lugar ti agtaltalinaed paylaeng a nalayus kas iti Barangay Malued.
Sumagmamano paylaeng kadagiti evacuees ti adda kadagiti evacuation center.
