--Ads--
BAGUIO CITY – Sugatan ang dalawang pahinante habang ligtas naman ang driver matapos matumba ang isang 6-wheeler truck sa bahagi ng Bontiway, Poblacion, Tuba, Benguet pasado alas-1 ng hapon.
Kinilala ang driver na si Norman Manalo, samantalang ang mga sugatan ay sina Christian Aplaon at Jes Balandre, kapwa residente ng Pampanga.
Ayon kay Police Corporal Jerson Garcia, imbestigador ng Tuba Municipal Police Station, nagmula sa Baguio City ang naturang truck na may kargang skim coat at patungo sana sa Pampanga.
Subalit nawalan umano ng preno ang sasakyan dahilan upang matumba ito.
Patuloy namang iniimbestigahan ng mga awtoridad ang sanhi ng aksidente at ang pinsalang dulot nito.
