Agarup P765 Million pesos ti danyos dagiti nadadael a classroom iti intero a pagilian gapu iti epekto ti panagdalapus ti bayo a Kristine.
Sigun iti Department of Education, agarup 415 a classroom ti nadadael, nu sadino kasapulan ti P557.5-million a budget para iti classroom reconstruction ken P207.5 million para iti “major repairs,”.
Kaaduan sadiay Eastern Visayas ken Bicol region ti nadadael a pagdalan.
Kabayatanna, 143 nga eskuelaan ti nangipadamag kadagiti “hazard incidents” kas iti layus ken panagreggaay ti daga, idinto a 309 nga eskuelaan ti maus-usar a kas evacuation center.
Nupay kasta, impasigurado ni Education Secretary Sonny Angara a maipaay ti Quick Response Fund ken rehabilitation fund ti Department of Education a mangtarimaan wenno mangbangon manen kadagiti nadadael nga imprastruktura.
