Temporaryo nga inrekep wenno inshut down ti Philippine National Police(PNP) dagiti gun-related online transaction ken daduma pay a data system dagitoy kasaruno ti maatap a pangta ti data breach partikular iti Firearms and Explosives Office(FEO).
Sigun kenni Philippine National Police(PNP) Spokesperson Col. Jean Fajardo, manarimaan paylaeng ti panangberipikar ti Information Technology Services and Management System (ITMS) iti nasao a pakaseknan ken nagkiddaw dagitoy ti makadominggo a pawayway sakbay a maisubli ti online services dagitoy.
Innayon ni Fajardo a madama metlaeng ti panagimbestigar ti Anti-Cybercrime Group (ACG) iti isyu.
Maatap a ti indibidwal nga adda iti likudan ti pangta ti breach iti Firearms and Explosives Office(FEO) data system ti kapulisan ken ti nangpanggep metlaeng iti kapada nga aksyon iti data, information, ken management system idi napan a lawas ket maymaysa.
Kabaytanna, karaman kadagiti serbisyo a maapektaran ti national police clearances kasta met ti panagaplikar ken panagrenew kadagiti lisensya ti paltog.
