--Ads--
Ngimmato iti 26 ti death toll iti napasamak a panagregaay iti garbage site sadiay Uganda idi napalabas a lawas bayat a mapukpukaw dagiti 39 nga indibidual, sigun kadagiti otoridad.
Maipalagip a ti nasao a panagregaay ket napasamak idi napalabas a Biyernes a nangitunda iti panakagabor dagiti dinosdosena a babalay kasta met dagiti umili sadiay.
Inisyal a nailista ti 21 a death toll idi Domingo nu pay kasta nanayunan daytoy kabayatan ti panakaipatungpal ti search and rescue operation.
Iti napasamak a panagregaay, napasarunoan met daytoy iti napigsa a panagbayakabak ti tudo a nagresulta iti panaglayos.
