Pinaglibakan ti defense team ni former President Rodrigo Duterte a kidkiddawenda iti pre-trial judges ti International Criminal Court (ICC) a masuspinder ti hearing a naituding intun September 23, 2025.
Sigun iti Abogado ni sigud a presidente Duterte a ni Nicholas Kaufman, saanda a kaniddaw ti pannakaitantan ti hearing.
Nupay kasta, inaklon daytoy a nakaawatda iti impormasyon maipapan kenni Duterte, manipud iti maika-uppat a panid a redacted notification iti Pre-Trial Chamber I a napetsaan iti Hulio 18, 2025.
Gapu iti dayta, kinuna ni Kaufman nga agingga a saan a nalawag ti naawatda nga impormasion ket saan a mabalin a maangay ti confirmation of charges ni Duterte.