Impaganetget dagiti prosecution iti International Criminal Court (ICC) a saan malimitaran iti 10,000 dagiti dokumento ti ebidensya a maisubmitir kontra kenni sigud a President Rodrigo Duterte iti kaso a crimes against humanity.
Sigun iti prosecution, agdagup iti nasurok 62,000 nga items dagiti imbutaktak dagitoy nga ebidensia, pakairamanan ti nasurok 320,000 a panid ti dokumento ken 1,000 nga audio ken video files.
Inlawlawag ti prosekusion a dakkel ti volume ti ebidensiya gaputa karaman ditoy ti dokumentasiyon dagiti pimmusay a nainaig iti anti-drug operations idi panawen ti administrasyon ni Duterte.
Kabayatanna, impetteng ti depensa nga adu dagiti materiales ken marigatanda a repasuen amin, sakbay a mangrugi ti trial.
Gapu iti dayta, kiniddawda a limitado laeng iti 10,000 dagiti ebidensiya nga iparang ti prosekusion.
