Impakaamo ti Department of Education ita nga aldaw a maysa laengen kadagiti biktima iti napasamak a school shooting incident idiay Tacloban City ti adda iti pagagasan bayat a dagiti dadduma ket agpapaimbagda.
Sigun iti maysa nga opisyal ti Department of Education, adda iti pakabuklan a bilang a 23 ti nailistada a casualty no sadino tallo kadagitoy ti pimmusay; 15 met ti nailista a bilang dagiti nadangran ken lima ti nakapasar iti indirect-related injuries.
Malaksid iti dayta, impakaammo ti nasao nga opisina a mangipapaayda metlaeng ti tulong kadagiti nakapasar iti mental wenno emotional trauma gapu iti napasamak nangnangruna kadagiti nakasapar iti buteng ken anxiety.
Kaduada ditoy ti Department of Health (DOH), Dept. of Social Welfare and Development (DSWD) kasta meten dagiti sumagmamano nga academic institution kas iti University of the Philippines Tacloban College ken dadduma a non-government organizations.
Kabayatanna, impakaammo metlaeng ti nasao nga ahensya a prayoridad da metlaeng ita ti panangparegta iti security measures iti uneg dagiti pagadalan no sadino adalenda dagiti sumaganad nga addang: panangi-asign ti security guards kadagiti pagadalan tapno mangbantay kadagiti school gates,panangaramat iti metal detectors, ken panangimuntar kadagiti CCTV cameras.
Iti baet dayta, impakaamo ti nasao nga ahensya nga agtultuloy latta ti pannakikoordinarda kadagiti nagduduma nga ahensya ken otoridad partikular iti Philippine National Police tapno adadda a maadal nu anya dagiti epektibo nga addang iti panangparegta ti seguridad kadagiti pagadalan. //bombokaren.c.sapirao
