Naituding ti panagtuloy ti face-to-face a klase dagiti estudyante idiay San Jose National HIgh School inton Hulyo 6, manu a lawas kalpasan iti napasamak a shooting incident sadiay.
Kagiddan dayta, inkari ni Tacloban City Mayor Alfred Romualdez nga agimbitada kadagiti ‘entertainers’ kas paset iti emotional healing dagiti ubbing.
Sigun met kenni Department of Education Tacloban City Division Information Officer, Dr. Nilo Eder, agtultuloy ti panangsigurado ken panagbantayda iti seguridad iti nasao a pagadalan.
Narugian metlaengen ti panangimuntar kadagiti CCTV cameras ken perimeter fencing iti school premises.
Maipalagip a naaddaan iti shooting incidente iti nasao a pagadalan idi Hunyo 22 no sadino tallo nga estudyante ti pimmusay ken nadangran ti adu nga indibudual.
Kabayatanna, panggep ita ti Department of Education a mangikabil kadagiti metal detectors iti entrance ti sumagmamano a pagadalan idiay Tacloban. //bombokaren.c.sapirao
