Adda ita iti kritikal a kasasaad ti dua nga estudyante a biktima iti nasapamak nga school shooting incident idiay San Jose National High School idiay Tacloban City.
Nabigbig dagiti dua nga estudyante a da Joan Vinias, maysa a Grade 10 student a nagsagrap ti bala iti ulo na; ken Nathan Candelario, maysa a Grade 9 student a nasugatan ti tiyanna kalpasan a mapaltogan.
Sigun iti ina daytoy a ni Rowean Eracho, saanna a maakseptar ti napasamak iti anakna a ni Joan ken dakkel ti damag daytoy nu kasatno a nakaiyuneg dagiti suspek iti paltog iti pagadalan dagitoy.
Kabayatanna,sigun met iti ama ni Nathan a ni Erwin, tinmama ti bala iti uneg ti ‘puseg’ ti anakna ket rinumwar daytoy iti bakrangna.
Pakabuklan a 15 nga estudyante ti nadunor bayat a tallo met ti pimmusay gapu iti nasao a pasamak.
Maipalagip a kinumpirmar dagiti otoridad a naipila ti kaso a murder ken frustrated murder iti 15-anyos a suspek kalpasan a dinakamatda nga iti edad daytoy a 15, ammonan dagiti araramiden daytoy-nasayaat man wenno saan.
Agtultuloy met ti panangkiddaw dagiti pamilya dagiti biktima iti hustisya para kadagiti annak dagitoy. //bombokaren.c.sapirao
