Nagballaag ti Department of Foreign Affairs (DFA) iti publiko kontra iti peke nga impormasion maipapan iti sitwasion iti West Philippine Sea.
Sigun kenni Foreign Affairs Secretary Enrique Manalo, kaaduan nga agwarwaras iti social media a ladawan ken videos ket “artificial intelligence-generated” nu sadinno, maiwarwaras ti saan a pudno nga impormasion.
Gapu iti dayta, manamnama a pagtalantanan ti Pilipinas ken Estados Unidos ti polisia iti “cyber digital.”
Ti tension iti West Philippine Sea ket agtultultuloy iti tengnga ti panagtagikua ti China iti South China Sea pakairamanan ti paset ti Pilipinas a maaw-awagan a West Philippine Sea (WPS).
Malaksid iti Pilipinas, bigbigebigen ti China a kukuada ti paset ti Vietnam, Malaysia, ken Brunei.
Maipalagip nga idi 2016, nagballigi ti Pilipinas iti international arbitration tribunal idiay Hague kontra iti panagtagikua amin ti China iti paset ti South China Sea.
Nupay kasta, saan a binigbig ti China ti desision.
