Nagballaag ti Department of Trade and Industry iti publiko, gapu iti panaggadu dagiti saan a rehistrado nga appliances manipud kadagiti dadduma a pagilian a magatgatang kadagiti online shops.
Kasaruno daytoy iti panakduktal ti nasao nga ahesia iti maysa a warehouse sadiay Cavite nga addaan iti ginasgasot a kahon dagiti saan pay a nasertipikaran ken saan a rehistrado nga appliances.
Kaaduan kadagiti nakumpiskar dagiti otoridad a mailaklako iti online dagiti blender, induction cooker, food processure, elcetic kettle ken dadduma pay.
Maibasar iti tallo nga opirasion ti Department of Trade and Industry, dumanon iti agrup P90 Million ti balor dagiti nakumpikar dagitoy nga appliances a saan a rehistrado.
Sigun iti nasao nga ahensia, tapno masigurado a rehistrado dagiti gatgatangen nga appliaces, kasapulan a kitaen a nalaeng no addaan dagiti appliaces iti import commudity Clearace (ICC) stickers, basaen dagiti dadduma a label daytoy ken dadduma pay.
Kabayatanna, panggep ti Department of Trade and Industry nga imandato iti online Platforms a kasapulan a karaman kadagiti ladawan dagiti produkto dagiti label ken kompleto a panangiladawan dagiti produkto.
