BAGUIO CITY – “Naapektaran ti El Niño ti discharge dagiti water sources iti rehiyon Cordillera ngem nakaya met nga i-sustain dagiti standing crops.”
Dayta ti kinuna ni Chrisanta Beray, dadaulo ti Operations Section ti National Irrigation Administration.
Iti interview ti Bombo Radyo kenkuana, kinunana a bimmaba ti volume ti discharge ti danum kadagiti water sources ngem awan ti nadadael kadagiti mula a paset ti NIA assisted projects.
Dinakamatna nga ipatpatungpalda ti sumagmamano nga addang kas iti scheduling wenno rotation iti pannakaideliver ti danum kadagiti talon, ken panagadaptar iti water savings technology kas iti Effluent & Water Division – Waste Water Treatment (EWD).
Mainaig iti daytoy, impasiguradona a mayat pay ti kalidad dagiti apit nupay man sumagmamano kadagiti mannalon ket adda iti terminal drainage stage ken nakaapit dagiti daduma.
Kinunana pay a ma-sustain ti daduma nga standing crops nga adda iti reproductive stage gapu ta marikrikna ti panagtudo sagpamingsan.
Malaksid iti dayta, impetteng ni Beray a regular dagiti proyekto ti National Irrigation System, ken manarimaan ti panakaaramid ti daduma pay a proyekto kas iti irrigation system ken solar pumps.//Bombo Jez Lapizar
