Mangipatungpal ti Department of Trade and Industry(DTI) Baguio-Benguet ti diskwento caravan kadagiti school supplies inton Hulyo Bente Uno ken Hulyo Bente Otcho idiay Session Road, Baguio City.
Daytoy ket paset ti makabulan a panangrambak ti nasao nga opisina iti 2024 National Micro, Small, Medium Enterprices(MSMEs) Month.
Malaksid kadagiti pagtagilakuan a makipartisipar iti nasao a caravan, manamnama metlaeng ti in-store discount nga ipaay dagiti saan a makipaset idiay Session Road.
Kabayatanna, maital-o met dagiti produkto dagiti Micro, Small, Medium Enterprices(MSMEs) kas iti Coffee and Cacao Industry inton July 14; ti Processed Fruits and Nuts Industry inton July 21; ken ti Bamboo, Wearables and Homestyle, and Creative Industry inton July 28.//Bombo Rob Dominguez
