Impakaamo ti Commission on Elections nga agingga laengen iti Hunio a trenta ti petsa ti panangrisutda kadagiti disqualification petitions kagiddan ti panangibaga ni Comelec chairman George Garcia a nangipila ti Task Force Baklas kadagiti kaso kontra iti 50 a kandidato gapu kadagiti campaign posters ken materiales.
Sigun iti nasao nga opisial, nangipaayda ti surat kadagiti kandidato nga addaan ti campaign materials ken ar-aramidenda daytoy iti dua wenno uppat a daras tapno ibaga kadagiti kandidato nga ikkatenda dagiti materials ngem saanda nga agtungtungpal isut gapuna a napilitan ti task force a mangipila ti kaso a “disqualification.”
Inlawlawag ni Garcia a ti panangipila ti disqualification case ket saan a kayatna a sawen nga otomatiko a madiskwalipukar ti maysa a kandidato.
Iti agdama, dagiti kaso ket nai-raffle iti nagduduma a Comelec divisions.
