Pinapigsa iti Department of Health- Cordillera iti panagsagana gapu iti panagngato iti kaso iti leptospirosis iti rehiyon.
Maibasar iti report, 196 iti nairekord a kaso iti leptospirosis bayat nga addan iti siyam a pimmusay no sadino namonitor dagitoy bayat idi mapasapasaran iti panagtudo iti rehiyon, sigun kenni DOH-CAR Medical Officer IV Dr. Mae Kemeny Manogan.
Gapu iti daytoy, nasurok 100,000 doses iti doxycycline ti nairuar tapno manayonan ti stock dagiti health facilities iti intero a rehion Cordillera.
Impeksa pay ni Manogan a nai-preposition ti DOH-CAR dagiti agas sakbay ti panagtudtudo ken intuloyda a pinaadu ti suplay para kadagiti pasilidad, pakairamanan dagiti ospital ken pasilidad ti DOH.
Maipalagip a na-activate met laengen dagiti fast lanes iti sumagmagno nga ospital iti rehiyon para iti naparpartak a panangaywan dagiti addaan kaso iti nasao a sakit.
Inlawlawag pay ni Manogan a ti letospirosis ket commonly transmitted babaen iti exposure iti isbo dagiti infected nga utot.
Dagiti residente a na-expose met iti floodwaters ket naabisoan a dagus nga apan iti ospital para iti medical attention nangruna dagiti addaan iti sugat.
Kabayatanna, innayon pay iti doktor a ngimmato iti 19% ti kaso iti dengue no sadino nairekord ti 5,927 bayat a ngimmato metlaeng iti 97% ti kaso iti pertussis no sadino nairekord ti pakabuklan a 116 a kaso iti rehiyon.//Bombo Khey Reparip
