Agsagsagana itan ti Department of Social Welfare and Development (DSWD) para iti pannkaipaay ti ayuda kadagiti komunidad a posible a maapektaran iti manamnama a Super Typhoon Champi iti masakupan ti Philippinas.
Sigun iti DSWD, addan ti agarup 4.5 million a family food packs a nakasagana kadagiti relif warehouse iti intero a pagilian.
Malaksid iti daytoy, nakasagana metlaeng ti 344,942 a non-food items ken 204, 745 a ready-to-eat food packs a mabalin a maipaay kadagiti agkasapulan.
Impeksa ni DSWD Assistant Secretary Irene Dumlao nga agtultuloy ken agtaltalinaed nga aktibo ti suplay dagiti family food packs kadagiti kangrunaan a production hub ti ahensiya kas maitunos iti direktiba ni President Ferdinand Marcos Jr.
Kabayatanna, agtultuloy a bambantayan ti ahensiya ti garaw ti bagyo babaen iti report ti Philippine Atmospheric, Geophysical,and Astrnomical Services Administration (PAGASA).
