Nasayaaten ti kasasaad ti driver iti natnag a truck idiay Dontog, Taba-ao, Kapangan Benguet idi July 28, 2025.
Nabigbig ti biktima nga agtawen iti 37 ken residente iti Pudong, Kapangan.
Iti pannakiuman ti Bombo Radyo kenni Police Major Greg Tam-awen ti Kapangan Municipal Police Station, kinunana a nakainum iti arak ti biktima.
Malaksid iti dayta, nagalis ti kalsada a nangitunda iti pannakatnagna iti agarup 70 meters ti kaunegna a rangkis.
Gapu iti dayta, nagsagrap daytoy iti Minor injuries.
Sigun pay kenni Police Major Tam-awen, nagapu ti biktima idiay Datakan ken paturong sadiay Cuba, Kapangan Benguet.
Immuna metten a nagpalagip ti Kapangan Municipal Police Station a liklikan ti aginum iti arak no agmaneho.
Nangruna ita a panawen ti panagtutudo agsipudta, daytoy ti kangrunaan a mangituntunda ti aksidente iti kalsada.
