BAGUIO CITY – Nakemmeg ti maysa a drug personality iti buy-bust operation nga insayangkat ti nagtipon a pwersa ti Tabuk City Police Station, Kalinga Police Provincial Office – Provincial Intelligence Branch ken Philippine Drug Enforcement Agency – Cordillera sadiay Purok 1, Bulanao, Tabuk City, Kalinga.
Nabigbig daytoy a ni Andres Boquiren Benito Jr., 28-anyos, naasawaaan, negosyante ken residente ti nasao a lugar.
Nakumpiskar kenkuana ti maysa a pakete ti mapapati a shabu, maysa a caliber 38, dua a bala ken maysa nga aluminum foil.
Narekober metlaeng ti naaramat a buy-bust money.
Iti agdama, sumangsango ni Benito kadagiti kaso a panaglabsing iti Comprehensive Dangerous Drugs Act of 2002 ken iti Comprehensive Firearms and Ammunition Regulation Act.
