BAGUIO CITY – Nakemmeg ti dua nga indibidual iti buy-bust operation nga insayangkat ti nagtipon a pwersa ti Drug Enforcement Unit, Station 7 ken Station 5 ti Baguio City PNP ken ti Tuba PNP sadiay Otek Street, Rizal Monument Barangay, Baguio City idi kalman.
Nabigbig dagitoy a da Jones Lamsis ken Dindo Cabalhin Javier.
Nakumpiskar kadagitoy ti uppat a pakete ti mapapati a shabu ken ti naaramat a buy-bust money.
Naamuan a nakaawat ti Drug Enforcement Unit ti Baguio PNP iti report seknan iti panakailako ti iligal a droga iti nasao a kalsada.
Kalpasan ti beripikasyon ti pulisya ket insayangkatda ti nasao a buy-bust operation a nagresulta iti panakakemmeg dagiti dua a suspek.
Sigun iti Tuba PNP, ni Jones Lamsis ket drug surrenderree ti istasyon dagitoy.
