Naituding ti laban dagiti dua a Cordilleran fighters ita nga aldaw.
Pakairamanan daytoy da Carl Jammes Martin ken ni Jean Claude Saclag.
Ibagi ni Southeast Asian Games gold medalist Jean Claude Saclag ti pagilian iti flyweight Mixed Martial Arts bout iti ONE Championship Philippines inton alas otcho trenta (8:30)iti rabii oras iti Pilipinas nu sadino, makasangona ni Lee Jun Young manipod idiay Korea.
Ti nasao a laban ti agserbi kas debut iti Mixed Martial Arts(MMA) ti agtawen iti dua pulo ket siam(29)a ni Saclag.
Ni Saclag ket three-time Southeast Asian Games gold medalist iti kickboxing ken silver medalist iti Asian Games iti wushu sanda.
Kabayatanna, makalaban met ni undefeated Filipino Boxer Carl Jammes Martin ti battle-tested Mexican a ni Anthony Jimenez Salas iti non-title super bantamweight idiay Culican Sinoloa, Mexico.
Ti nasao a laban ti agserbi metlaeng nga international debut ti agtawen iti duapulo ket lima(25) a ni Martin nga iti agdama ket addaan iti impresihensibo a 23-0 win-loss record ken 18 knockouts.//Bombo Rob Dominguez
