BAGUIO CITY – Nakastrek iti Top 10 ti PNPA HINIRANG Class of 2021 ti dua a Cordillerans.
Naragpat ni P/Cdt Joel James Jose De Guzman manipud Malubibit Norte, Flora, Apayao ti maikatlo a pwesto.
Nabirngasan ni De Guzman a “dream-catcher of Apayao” ken daytoy ket anak da Joel De Guzman a retirado a soldado ken Mercy De Guzman.
Maawat ni De Guzman ti Secretary of the Interior and Local Government (SILG) Kampilan Award.
Naragpat met ni P/Cdt Ian Poyaoan Limbawan manipud Baguio City ti maikawalo a pwesto.
Nabirngasan ni Limbawan nbga “Honorable Cadet First Captain” ti HINIRANG Class ken daytoy ket anak da PLt. Rogelio Limbawan ti Lamut, Ifugao ken Jesusa Limbawan ti Pangasinan.
Karaman dagitoy kadagiti 254 a kadete nga agturpos babaen iti online ceremony inton Abril 21, aldaw ti Miyerkoles.
