BAGUIO CITY – Natiliw ti dua a drug personalities iti buy-bust operation nga insayangkat dagiti otoridad sadiay Kalapati Street, Dizon Subdivision, Baguio City idi rabii.
Nabigbig dagitoy a da Guyli Martin Pagsanjan Estagoy ken Lencer Paul Salibad, agpada a 22-anyos, estudyante, residente ti Baguio City.
Agpada pay a nakalistada nga street level individuals iti illegal drug tade.
Kabayatan ti operasyon, nakumpiskar kenni Estagoy ti maysa a pakete ti maatap a shabu nga agdagsen ti
0.5 gram.
Nakumpiskar pay kenni Salibad ti maysa a pakete ti mapapati a napagango a marijuana.
Narekober iti ikotda ti naaramat a buy-bust money ken nakumpiskar pay ti cellphone nga inaramatda a nakitransaksion iti operatiba.
Sumangsangon dagitoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
