SAGUBO, KAPANGAN- Agpatpattaming iti pagagasan ti dua a lalaki kalpasan a natnag ti naglugnan dagitoy a canter single-tire idiay Ag-agat, Sagubo Kapangan, Benguet.
Napasamak ti aksidente iti 5:30 PM ita nga aldaw, May 13, 2025.
Nabigbig dagiti biktima a da Epifanio Cariño, agtawen iti 37, residente idiay Salat, Central Kapangan ken ni William Maguido, agtawen iti 44 ken residente idiay Sagpat, Kibungan Benguet.
Iti pannakiuman ti Bombo Radyo Baguio kenni PMs. Greg Tam-awen ti Kapangan Municipal Police Station, kinunana nga adda iti impluensia iti arak dagiti biktima.
Gapu iti dayta, maatap a saan a nagpreno ti driver a nangitunda iti pannakatnag dagitoy iti agarup 5 meters ti kaunegna a rangkis.
Nagsagrap dagiti biktima iti sugat kadagiti nagduduma paset ti bagida.
Dagus dagitoy a naitaray iti Kapangan District Hospital para iti kanayonan a pannakataming.
Balligi ti pannakaresponde dagiti biktima babaen iti panagregget dagiti kameng ti Kapangan Fire Station, Kapangan MPS, Kapangan RHU, Mayor Manny E. Fermin ken dadduma a maseknan nga indibidual.//mp4
