BAGUIO CITY – Nakumpiskar ti dua a pot ti marijuana plants manipud iti maysa a pagtaengan sadiay East Quirino Hill, Baguio City.
Maibasar iti report, nakaawat ti report dagiti otoridad seknan kadagiti iligal a mula isut gapuna a dagus a nagrespondeda.
Nagresulta daytoy iti panangdiskobre ken panangkumpiskar dagiti pulis kadagiti nasao a potted marijuana plants manipud iti terasa ti nasao a pagtaengan.
Naamuan a 14 inches ti kangato ti maysa a puon bayat a 7 inches ti maysa pay a puon.
Nupay kasta, inkalintegan ti maseknan nga agtagikua iti balay nga ar-aramatenda ti marijuana kas tsaa para iti medikal a rason.
Iti baet daytoy, naamuan a maipilaan latta ti nasao nga indibidual iti kaso a panaglabsing iti R.A 9165 wenno Comprehensive Dangerous Drugs Act of 2002.
