Kinumpermar ti Philippine Coast Guard a kadua dagitoy ti dua kadagiti sangapulo ket maysa a pimmusay, gapu iti uram a napasamak iti rental buiding idiay Binondo, Manila idi laeng kalman.
Maipalagip a nauram ti lima a kadsaaran a pasdek iti maysa a commercial district iti nasao a lugar, a nangitunda iti ipupusay dagiti sangapullo ket dua nga indibidual.
Sigun kenni Nelson Ty Village Councilor iti nasao a lugar, nasarakan dagiti firefighters ti nauram a bagi dagiti sangapulo ket maysa nga indibidual iti uneg ti nasao a pasdek, nu sadino karaman ditoy ti asawa ti agtagikua.
Maibasar iti imbestigasion ti Bureau of Fire Protection (BFP), nangrugi ti uram pasado alas siete ti agsapa ken naideklara a fire out daytoy iti pasado alas dies ti agsapa iti isu metlaeng nga aldaw.
Iti agdama, manarimaan paylaeng ti imbestigasion dagiti maseknan nga otoridad iti rason iti panakauram ti nasao a pasdek.
