--Ads--
Naitaray iti ospital dagiti dua nga indibidual kalpasan a natnag ti naglugananda a puraw a van iti rangkis idiay Bayoyo, Buyacaoan, Buguias, Benguet itay laeng malem.
Sigun iti Buguias Municipal Police Station, nabigbigdan dagiti biktima ngem nagkedked pailaeng dagitoy a dakamaten ti naganda.
Napakaammoan metten ti pamilya dagiti biktima, maysa a lalaki ken babai.
Iti inisyal nga imbestigasyon, saan a nakontrol ti driver ti preno gapu iti kinagalis ti kalsada a nangitunda iti panakatnagda iti rangkis.
Naammoan nga accident prone area ti nakapasamakan ti insidente.
Iti agdama ket matamtaming dagiti biktima iti Northern District Hospital.
Manarimaan pailaeng ti panangduktal dagiti otoridad nu nagapuan ken pagawidan koma dagiti biktima.
