Nagsagrap ti duapulo ket innem nga indibidual ti carbon monoxide poisoning bayat ti pannangan dagitoy iti campsite idiay central Switzerland.
Sigun iti maysa a kameng ti pulisia sadiay, nangrugi ti insidente iti maysa a dakkel a pribado a dinner party iti Giswil campsite.
Iti oras ti alas dies trenta ti malem idi kalman, sumagmamano kadagiti 35 a timmabuno ti kellaat a napukaw ti puotna ken dadduma ti nagreklamo a saan a nasayaat ti riknada.
Dagos met a rimmuar ti nasao a bilang tapno makaangot ti presko nga angin.
Iti inisial nga imbestigasion dagitoy, naurnong ti carbon monoxide iti “tent” dagitoy iti maysa laeng a rabii a rason ti panagsagaba dagiti sumagmamano nga indibidual iti makasabidong a carbon monoxide.
Maibasar iti datos, duapulo ket innem nga indibidual ti nadangran bayat a sangapulo ket pito ti naospital.
Naideploy dagiti responders ken rescue workers karaman iti dua a rescue helicopters iti nakapasamakan ti insidente.
Iti agdama, manarimaan ti imbestigasion dagiti otoridad nu anya ti rason ti panangangato ti “gas” iti “tent” babaen ti pannakitinnulongda iti Zurich Forensic Institute
