Impetteng ti abogado ni Vice President Sara Duterte a “curated” ken awanan iti probable cause ti ebidensia nga imparang ti National Bureau of Investigation (NBI) kabayatan ti impeachment hearing idi April 29.
Datoy ket kasaruno ti kinunan ni NBI Deputy Chief of Staff of Legal Services Atty. Yentl Malicad a ti video a pakakitaan iti pangta ni VP Sara ket mangipakpakita iti sedition ken three counts ti grave threat.
Nupay kasta, impetteng ni Atty. Paul Lawrence Lim a ti video ket mangipakpakita laeng iti paset a pangkontra iti bise presidente ken saan a karaman dagiti dadduma.
Impettengna a daytoy ket saan a basaran ti probable cause ken dadduma pay.
Maipalagip nga iti online briefing idi November 23, 2024, kinuna ni VP Duterte nga iti kanito a mapapatay daytoy, addan ti binilinna a mangpapatay kenni President Ferdinand Marcos Jr., First Lady Liza Araneta-Marcos ken sigud nga Speaker Martin Romualdez.
