BAGUIO CITY – Dumanon iti siyam a resolusyon ti inaprobaran ti Sangguniang Panlungsod ti Baguio City mainiag kadagiti addang kontra iti COVID-19.
Dagitoy ket ti sumaganad:
Resolution 163-2020 para iti panakaipaluspos ti QUICK RESPONSE FUND para iti Baguio ken kadagiti babbarangay daytoy.
Resolution 164-2020 a mangkidkiddaw iti panangipaay dagiti amin a real state lessor dagiti local businessmen iti diskwento kadagiti lessees dagitoy wenno iti extension iti panagbayad dagiti lessees iti abang dagitoy.
Resolution 167-2020 a mangkidkiddaw iti panakaipalubos ti iseserrek ditoy Baguio dagiti tourist vans manipud Tarlac a mangsukon kadagiti gangannaet nga estudyante a maiturong sadiay NAIA ken dadduma nga international airports kalpasan a naipaayan iti 72 hours a pawayway tapnu rumuar iti Pilipinas dagiti outbound passengers.
Resolution169-2020 a mangkidkiddaw kadagiti managers ken agtagikua kadagiti allowed to open stablishments iti transportasyon dagiti empleyado dagitoy.
Resolution 170-2020 a mangipalpalubos iti panagkontrata dagiti managers wenno agtagikua kadagiti Business Process Outsourcing ken export-oriented industries iti public transport para kadagiti empleyado dagitoy.
Resolution 171-2020 a mangguyguyugoy kadagiti unibersidad ken kolehio ditoy siudad iti panangasistar kadagiti estudyante dagitoy tapnu makaawidda iti maseknan a probinsiada kabayatan ti ECQ.
Resolution 172-2020 a mangguyguyugoy iti SSS ken GSIS iti panangited dagitoy iti pension dagiti senior citizen retirees kabayatan ti ECQ.
Resolution 173-2020 a mangkidkiddaw iti panangilaylayon ti BENECO, BWD, PLDT, Smart, Globe ken dadduma a communication ken cable companies iti panagbayad iti utility bills, pakairamanan ti saanen a panagbayad iti late charges, penalties, surcharges ken dadduma pay kabayatan ti ECQ.
