BAGUIO CITY – Agtultuloy a maipatpatungpal ti Electronic-Dalaw wenno e-Dalaw program iti Baguio City Jail.
Sigun kenni Jail Superintendent April Rose Wandag-Ayangwa, City Jail Warden iti Baguio City Jail Male Dormitory, maysa a basic need dagiti Persons Deprived of Liberty (PDL) ti makasarita kadagiti pamiliada nga adda iti ruar ti pagbaludan.
Daytoy ti rason nga agtaltalinaed a masursurot ti polisiya maipapan iti pannakaipatungpal ti e-Dalaw iti pagilian.
Iti e-Dalaw program, nakalista ti nagan dagiti indibidual a mabalin a makasarita laeng dagiti nakuwalipikar a balud.
Nakasagana met ti 17 nga units a mabalin nga aramaten dagiti balud para iti nasao a programa.
Malaksid iti eletronic-Dalaw, inlawlawag ni Jail Superintendent Ayangwa a nagsubli metten iti normal wenno face-to-face ti panagbisita dagiti nagannak, kabagian ken gagayyem dagiti balud iti siudad.//Bombo Jez Lapizar
