--Ads--
Inwaragawag ti State weather bureau itay nabiit a manamnama ti nabara ken nadagaang a kasasaad iti kaaduan a paset ti pagilian iti sumaganad a lawas.
Sigun iti Philippine Atmospheric, Geophysical, and Astronomical Services Administration, mapasaran ti pagilian ti epekto ti Easterlies wenno nabara nga angin a posible a mangitunda iti panaggurruod iti malem wenno rabii, nangruna iti paset ti Mindanao inton bigat angingga inton martes ken iti Northern ken Central Luzon iton bigat angingga inton sabado.
Kabayatanna, bambantayan ti nasao nga ahensia ti cloud clusters iti ruwar ti pagilian a posible nga agbalin a low pressure area, ita a lawas.
