Inakusaran ti pagilian nga Iran ti Estadus Unidos a nilabsingda ti ceasefire babaen ti panangpuntiriana iti dua a barko iti Strait of Hormuz ken panangraut kadagiti civilian areas.
Sigun iti pannakangiwat ti Khatam al-Anbiya Central Headquarters ti Iran, pinuntiria ti America ti Iranian oil tanker iti asideg ti Jask a paturong iti Strait of Hormuz.
Pinuteria metlaeng ti Amerika ti maysa pay a barko ti Iran nga asideg iti Emirati port ti Fujairah.
Malaksid iti dayta, nangiyuswat metlaeng ti Amerika iti air attack kadagiti civilian areas partikular iti Bandar Khamir, Sirik, ken Qeshm Island.
Kabayatanna, nagsinnukat iti panagatake ti Estados Unidos ken Iran kabayatan ti ceasefire dagitoy.
Nupay kasta, kinuna ti Iran a nagsubli itan iti normal ti kasasaad bayat a kinuna met ti Amerika a saandan a kayat a kumaro pay ti tension iti nagbaetan dagitoy.
