CHINA – Ti panagturpos ti maysa kadagiti mapadpadaanan nga aldaw dagiti estudyante para iti panagballigi dagitoy iti panagadal.
Ngem ammo yo kadi nga imbes a ragsak ket unget ti narikna ti maysa nga estudyante idiay China.
Iti video a naipablaak iti social media, nakita ti dagus a panagtungpa ti estudyante iti professor nga adda iti sangwanan daytoy iti entablado.
Dagus met a naiturong iti pag-agasan ti mannursuro gapu ta nakapasar daytoy ti minor injuries.
Sigun pay iti sumagmamano nga alumni, nabigbig daytoy a ni Hsia manipud Taiwan ti estudyante ken nabaelanna a nangdangran gapu iti nakaro a panagpungtot daytoy.
Nairaman daytoy iti shortlist para iti Peking Univeristy Health Schience Center master’s degree program idi Abril ngem saan a napalubosan gapu ta kinuna ti unibersidad a maipasidong daytoy deological ken moral assessment.
Kabayatanna, suspetsa dagiti daduma a ti Dean ti puntirya ti estudyante nu sadino nagkamali laeng daytoy.
Iti agdama, im-imbestigaran ti Student Affairs Office ken Law School staff ti napasamak a panagdanong ti estudyante iti maysa a mannursuro bayat ti graduation rites idiay China.
Namnamaen met ti daduma a maipaayan ti kaskenan a pannusa ti nakabasol iti nasao nga insidente.
