Executive committee member ti NDFP a ni Luis Jalandoni, pimmusayen iti tawenna a 90, sigun iti CPP

Pimmusayen ni Luis Jalandoni, ti senior political consultant ken executive committee member ti National Democratic Front of the Philippines (NDFP), iti tawenna a siam a pulo, sigun iti Communist Party of the Philippines (CPP).

Iti statement ti Communist Party of the Philippines, pimmusay ni Jalandoni idiay Utrecht, the Netherlands iti 9:05 idi kalman ti rabii.

Nagserbi ni Jalandoni kas chief negotiator ti National Democratic Front of the Philippines iti negosasion ti gobierno seknan iti panangpatingga ti communist insurgency iti Pilipinas.

Sakbay a bummaba iti takem ni sigud a President Rodrigo Duterte idi tawen 2022, nabigbig ni Jalandoni a terorista, agraman ti lima a mapapati a kameng ti CPP, babaen ti Anti-Terrorism Council.