--Ads--
Impeksa ni Rukiya Anpo a saanna unay a narikna a nadagsen ti danog ni Manny Pacquiao kalpasan ti exhibition fight dagitoy idi laeng kalman idiay Saitama Tokyo Japan.
Sigun met kenni Pacquiao, maysa a nasayaat a tuneup ti nasao nga exhibition fight para kenkuana ken naamirisna nga adu pay a banag ti kasapulanna nga pasayaaten wenno idevelop.
Inaklon ni Pacquiao a dakkel unay ni Anpo a makalabanna ken saanna nga inlibak a napigsa ken nalaing daytoy a makilaban iti baet nga agkurkurang pay daytoy iti kapadasan iti tay-ak ti boksing.
Ti nasao nga exhibition fight ket naipatungpal iti sidong ti nainget a boxing rules ken nagleppas babaen iti draw gapu ta awanan daytoy ti judges.
